ພາລະບົດບາດຫ້ອງການຊັບພະຍາກອນທໍາມະຊາດແລະ ສິງແວດລ້ອມເມືອງເຊໂປນ

 

ມາດ​ຕາ 2 ທີ່​ຕັ້ງ ແລະ ພາ​ລະ​ບົດ​ບາດ.

          ຫ້ອງ​ກາ​ນຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ເມືອງເຊໂປນ. ຂຽນ​ເປັນ​ຕົວ​ອັກ​ສອນ​ຫຍໍ້​ວ່າ:  ຫ​ຊ​ສ ແມ່ນ​ກົງ​ຈັກ​ການ​ຈັດ​ຕັ້ງ​ໜຶ່ງຂອງຫ້ອງການ,​ ມີພາລະບົດບາດເປັນເສນາທິການໃຫ້ແກ່ ຫ້ອງການ ແລະ ພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ, ໃນການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ ​ໃຫ້​ເກີດ​ປະ​ໂຫຍດ​ສູງ​ສຸດ ແລະ ມີ​ຄວາມ​ຍືນ​ຍົງ, ປົກ​ປັກ​ຮັກ​ສາ​​ສິ່ງ​ແວດ​ລ້ອມ​ບໍ່​ໃຫ້​ມີ​ມົນ​ລະ​ພິດຮັບ​ປະ​ກັນ​ການ​ຈັດ​ຕັ້ງ​ປະ​ຕິ​ບັດ​ການ​ປ້ອງ​ກັນ ແລະ ຮັບ​ມືຄວາມ​ສ່ຽງ​ຈາກ​ການ​ປ່ຽນ​ແປງ​ດິນ​ຟ້າ​ອາ​ກາດ ແລະ ໄຟ​ພິ​ບັດ​ທາງ​ທຳ​ມະ​ຊາດສະ​ໜອງ​ຂໍ້​ມູນ​ອຸ​ຕຸ​ນິ​ຍົມ ແລະ ອຸ​ທົກ​ກະ​ສາດ​ຢ່າງ​ເປັນ​ປົກ​ກະ​ຕິໃນ​ຂອບ​ເຂດ​ນະ​ຄອນ​ຂອງ​ຕົນ.

 

ໝວດ​ທີ 2

ໜ້າ​ທີ່ ແລະຂອບ​ເຂດ​ສິດ

 

ມາດ​ຕາ 3 ໜ້າ​ທີ່

                     ຫ້ອງການຊັບພະຍາກອນທຳມະຊາດ ແລະ ສິ່ງແວດລ້ອມ ເມືອງເຊໂປນ ມີໜ້າທີ່ດັ່ງນີ້:

1.     ປະຕິບັດລັດຖະທຳມະນູນ, ກົດໝາຍ, ດຳລັດ, ຂໍ້ຕົກລົງ, ຄຳສັ່ງ, ແຈ້ງການ ແລະ ຄຳແນະນຳກ່ຽວກັບວຽກງານ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ຂອງຂັ້ນເທິງວາງອອກ;

2.     ໂຄສະນາ, ເຜີຍແຜ່ ແລະ ຈັດຕັ້ງປະຕິບັດ ນະໂຍບາຍ, ນິຕິກຳ, ແຜນງານ, ໂຄງການ ກ່ຽວກັບການຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ, ການປ້ອງກັນໄພພິບັດທາງທຳມະຊາດ, ການປ່ຽນແປງດິນຟ້າອາກາດ ແລະ ວຽກງານອຸຕຸນິຍົມ ແລະ ອຸທົກກະສາດ;

3.     ສ້າງ, ຄຸ້ມຄອງ ແລະ ນຳໃຊ້ຖານຂໍ້ມູນ-ຂ່າວສານທີ່ດິນ ໃນທ້ອງຖິ່ນຂອງຕົນ, ດຳເນີນການສຳຫຼວດ, ວັດ  ແທກ ແລະ ສອບຖາມສິດນຳໃຊ້ທີ່ດິນ ເພື່ອຂຶ້ນທະບຽນອອກໃບຕາດິນ, ອອກໃບຢັ້ງຢືນການນຳໃຊ້ທີ່ດິນ, ການພັດທະນາທີ່ດິນ, ການສ້າງສຳມະໂນທີ່ດິນ, ເຊັນໃບຕາດິນໃນເວລາຂື້ນທະບຽນອອກໃບຕາດິນ ແລະ ຈົດທະບຽນການປ່ຽນແປງສິດນຳໃຊ້ທີ່ດິນ ລວມທັງການເບ່ງແຍກ ແລະ ໂຮມຕອນດິນ, ຈົດທະບຽນການເຄືຶ່ອນໄຫວການນຳໃຊ້ທີ່ດິນ;

4.   ຄິດໄລ່ຄ່າທຳນຽມ ແລະ ເກັບຄ່າບໍລິການ ໃນການຈົດທະບຽນການເຄື່ອນໄຫວ ແລະ ການປ່ຽນແປງສິດນຳໃຊ້ ຕາມກົດໝາຍ ແລະ ລະບຽບການ;

5.     ປະສານສົມທົບກັບຫ້ອງການອື່ນໆ ແລະ ອົງການປົກຄອງບ້ານນການປົກປັກຮັກສາ, ພັດທະນາ, ກວດການຳໃຊ້ທີ່ດິນ ແລະ ເຂົ້າຮ່ວມການແກ້ໄຂຂໍ້ຂັດແຍ່ງພາຍໃນທ້ອງຖິ່ນຕົນ;

6.     ສ້າງແຜນຄຸ້ມຄອງ ແລະ ບົດລາຍງານສະພາບລວມອ່າງຮັບນ້ຳຂະໜາດນ້ອຍ, ອອກອະນຸຍາດນຳໃຊ້ນ້ຳໃຕ້ດິນ ຂະໜາດກາງ, ຢັ້ງຢືນວິຊາການກ່ຽວກັບການບໍລິການຂຸດເຈາະ ຫຼື ຊີເຈາະນ້ຳໃຕ້ດິນຂະໜາດນ້ອຍ, ກຳນົດເຂດສະຫງວນນ້ຳ ແລະ ຊັບພະຍາກອນນ້ຳຂັ້ນ ນະຄອນປົກປັກຮັກສາ, ຟື້ນຟູ, ພັດທະນານ້ຳ ແລະ ຊັບພະຍາກອນນ້ຳຂັ້ນເມືອງ;

7.     ສົ່ງເສີມ ແລະ ສ້າງຈິດສຳນຶກໃນການປົກປັກຮັກສາຊັບພະຍາກອນທຳມະຊາດ ແລະ ສິ່ງແວດລ້ອມ, ປະຕິບັດແຜນການສ້າງຕົວເມືອງ ແລະ ຊົນນະບົດຍືນຍົງດ້ານສິ່ງແວດລ້ອມ, ວຽກງານຂຽວສະອາດງາມຕາ, ສ້າງ ແລະ ຈັດຕັ້ງປະຕິບັດແຜນຄຸ້ມຄອງສິ່ງແວດລ້ອມຮອບດ້ານໃນຂອບເຂດນະຄອນ ຂອງຕົນ;

8.      ທົບທວນ ແລະ ພິຈາລະນາຮັບຮອງເອົາແຜນຄຸ້ມຄອງສິ່ງແວດລ້ອມ ສໍາລັບທຸລະກິດແບບຄອບຄົວ ໃນຂອບເຂດ ນະຄອນຂອງຕົນເຂົ້າຮ່ວມຂະບວນການທົບທວນ ແລະ ພິຈາລະນາຮັບຮອງເອົາບົດລາຍງານ ສຶກສາ ເບື້ອງຕົ້ນກ່ຽວກັບຜົນກະທົບສິ່ງແວດລ້ອມ, ບົດປະເມີນຜົນກະທົບສິ່ງແວດລ້ອມແບບລະອຽດຂອງໂຄງການລົງທຶນໃນຂອບເຂດ ນະຄອນຂອງຕົນ;

9.     ກວດກາການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ, ເປັນຕົ້ນ: ດິນ, ນໍ້າ, ແຮ່ທາດ, ປ່າໄມ້ ແລະ ຊີວະນາໆພັນ ຂອງບັນດາຂະແໜງການ, ໂຄງການລົງທຶນ ແລະ ກິດຈະການຕ່າງໆ ຕາມພາລະບົດບາດ ແລະ ຄວາມຮັບຜິດຊອບຂອງຕົນ;

10.  ກວດກາການຈັດຕັ້ງປະຕິບັດພັນທະທາງດ້ານສິ່ງແວດລ້ອມ ຂອງໂຄງການລົງທຶນ ແລະ ກິດຈະການຕ່າງໆຕາມແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມ ລວມທັງສັນຍາສຳປະທານ ແລະ ສັນຍາຕ່າງໆ ທີ່ຕິດພັນກັບໂຄງການ ລວມທັງທຸລະກິດຄອບຄົວ;

11.  ກວດກາສິ່ງແວດລ້ອມຕົວເມືອງທີ່ຕິດພັນກັບບັນຫາມົນລະພິດ ສຽງ, ກິ່ນ, ນໍ້າເປື້ອນ, ສິ່ງເສດເຫຼືອ ແລະ ສານເຄມີຈາກຄຳສະເໜີ ແລະ ຮ້ອງຟ້ອງຂອງປະຊາຊົນພາຍໃນທ້ອງຖິ່ນຕົນ ລວມທັງປະສານສົມທົບກັບພາກສ່ວນທີ່ກ່ຽວຂ້ອງ ໃນການແກ້ໄຂຢ່າງມີປະສິດທິພາບ ແລະ ປະສິດທິຜົນ;

12. ວາງແຜນໃນການລົງກວດກາ ແລະ ຮັບມືເຫດການສຸກເສີນທາງດ້ານສິ່ງແວດລ້ອມທີ່ເກີດຈາກທຳມະຊາດ ຫຼື ເກີດຈາກກິດຈະການຕ່າງໆລວມທັງການສະເໜີ ແລະ ຮ້ອງຟ້ອງຂອງປະຊາຊົນໃນທ້ອງຖິ່ນເພື່ອປະເມີນຄວາມເສຍຫາຍ ແລະ ປະສານສົມທົບຂະແໜງການທີ່ກ່ຽວຂ້ອງໃນການແກ້ໄຂ;

13. ເກັບກຳ, ສ້າງຖານຂໍ້ມູນ ສະໜອງ ແລະ ແລກປ່ຽນຂໍ້ມູນກ່ຽວກັບວຽກງານກວດກາ ການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ, ກວດກາການຈັດຕັ້ງປະຕິບັດພັນທະທາງດ້ານສິ່ງແວດລ້ອມຂອງໂຄງການລົງທຶນ ແລະ ກິດຈະການຕ່າງໆຕາມແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມ ລວມທັງສັນຍາສຳປະທານ ແລະ ສັນຍາຕ່າງໆທີ່ຕິດພັນກັບໂຄງການ, ທຸລະກິດຄອບຄົວ ແລະ ກວດກາເຫດການສຸກເສີນດ້ານສິ່ງແວດ  ລ້ອມ;

14.  ເຂົ້າຮ່ວມຈັດຕັ້ງປະຕິບັດການສັງເກດສະພາບອາກາດ, ວັດແທກ, ເກັບກຳ, ສັງລວມ ແລະ ຄຸ້ມຄອງລາຍງານຂໍ້ມູນອຸຕຸນິຍົມ ແລະ ອຸທົກກະສາດ, ໄພພິບັດທຳມະຊາດ ແລະ ແຜ່ນດິນໄຫວ; ຄົ້ນຄ້ວາ, ສະເໜີ ປັບປຸງຍົກລະດັບ ຕາໜ່າງສະຖານີອຸຕຸການບິນ, ຕາໜ່າງສະຖານີອຸຕຸກະເສດ ແລະ ຕາໜ່າງສະຖານີແຜ່ນດິນໄຫວ ໃນຂອບເຂດນະຄອນຂອງຕົນ;

15.  ຊີ້ນໍາ, ຄຸ້ມຄອງ, ບຳລຸງ - ກໍ່ສ້າງ, ສັບຊ້ອນ, ປະຕິບັດນະໂຍບາຍຕໍ່ພະນັກງານລັດຖະກອນ ພ້ອມທັງສ້າງແຜນ ແລະ ເຂົ້າຮ່ວມການຝຶກອົບຮົມ, ສຳມະນາ ຄົ້ນຄ້ວາ ປັບປຸງ ແລະ ບູລະນະກົງຈັກການຈັດຕັ້ງຂອງຫ້ອງການຕົນໃຫ້ເຂັ້ມແຂງ ກຳນົດຕຳແໜ່ງງານ ໃຫ້ຖືກຕ້ອງ ແລະ ສອດຄ່ອງກັບໜ້າທີ່ການເມືອງໃນແຕ່ລະໄລຍະ;

16.  ສັງລວມສະຖິຕິ, ຄຸ້ມຄອງ ຊີວະປະຫວັດຂອງພະນັກງານ-ລັດຖະກອນ ເຂົ້າສູ່ຖານຂໍ້ມູນດ້ວຍລະບົບເອເລັກໂທນິກທີ່ທັນສະໄໝ;

17.  ຕິດຕາມ, ກວດກາ, ປະຕິບັດສິດ, ໜ້າທີ່ ແລະ ຄວາມຮັບຜິດຊອບຂອງພະນັກງານ-ລັດຖະກອນ ເພື່ອສະກັດກັ້ນປະກົດການລະເມີດກົດໝາຍ ແລະ ລະບຽບການຕ່າງໆຂອງລັດ;

18.  ຄຸ້ມຄອງ ລາຍຮັບ-ລາຍຈ່າຍ ງົບປະມານ, ຄຸ້ມຄອງບັນຊີ, ຄັງເງິນສົດ, ເງິນເດືອນ, ເງິນນະໂຍບາຍຕ່າງໆ; ດຳເນີນການຈັດຊື້-ຈັດຈ້າງ, ສ້າງແຜນວຽກ ແຜນງົບປະມານ ລວມທັງແຜນເກັບລາຍຮັບວິຊາການ ເພື່ອສ້າງລາຍຮັບເຂົ້າງົບປະມານຕາມກົດໝາຍ ແລະ ລະບຽບການ;

19.  ຄຸ້ມຄອງບໍລິຫານ, ຄຸ້ມຄອງ ແລະ ນຳໃຊ້ຊັບສິນ, ຊັບສົມບັດລວມຂອງລັດ ໃຫ້ຖືກກັບເປົ້າໝາຍ ແລະ ສອດ ຄ່ອງກັບກົດໝາຍ ແລະ ລະບຽບການຕ່າງໆ;

20.  ພົວພັນຮ່ວມມື ທັງພາຍໃນ, ຕ່າງປະເທດ ແລະ ອົງການຈັດຕັ້ງສາກົນຕ່າງໆ ເພື່ອຂົນຂວາຍການສະໜັບສະ   ໜູນດ້ານເຕັກນິກວິຊາການ ແລະ ທຶນຮອນເຂົ້າໃນວຽກງານຂອງຫ້ອງການຕົນ ຕາມການມອບໝາຍ ແລະ

ການເຫັນດີຂອງຂັ້ນເທິງ;

21.  ປະເມີນ ແລະ ສະຫຼຸບສັງລວມ ການປະຕິບັດໜ້າທີ່ການເມືອງຂອງຫ້ອງການຕົນ ແລ້ວລາຍງານໃຫ້ຂັ້ນເທິງຕາມລະບົບສາຍຕັ້ງ ແລະ ສາຍຂວາງຂອງຕົນ ເປັນປົກກະຕິ;

22.  ປະຕິບັດໜ້າທີ່ອື່ນໆ ຕາມທີ່ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ, ເຈົ້າເມືອງຫຼື ຂັ້ນເທິງໄດ້ມອບໝາຍໃຫ້ສະເພາະ ແລະ ຕາມໜ້າທີ່ ຫຼື ກຳນົດໄວ້ໃນກົດໝາຍ ແລະ ລະບຽບການຕ່າງໆ.

ມາດຕາ 4 ຂອບເຂດສິດ.

          ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງເຊໂປນ ມີສິດດັ່ງນີ້:

1.     ສະເໜີປັບປຸງແກ້ໄຂ, ສ້າງ ຫຼື ຍົກເລີກນະໂຍບາຍ, ແຜນຍຸດທະສາດ ນິຕິກຳຕ່າງໆທີ່ຕິດພັນກັບການ ຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ທີ່ເຫັນວ່າບໍ່ສອດຄ່ອງ;

2.     ອອກຂໍ້ຕົກລົງ ຄຳສັ່ງ, ແຈ້ງການ ແລະ ຄຳແນະນຳວິຊາການ ກ່ຽວກັບຄຸ້ມຄອງຊັບພະຍາກອນທຳມະຊາດ ແລະ ສິ່ງແວດລ້ອມ ໃນຂອບເຂດ ນະຄອນຂອງຕົນ;

3.     ຕີລາຄາ ແລະ ປະເມີນຜົນການນຳໃຊ້ທີ່ດິນ, ອອກ ຫຼື ຖອນເອກະສານກ່ຽວກັບສິດນຳໃຊ້ທີ່ດິນ, ໃຫ້ການບໍລິການທາງດ້ານວິຊການ ກ່ຽວກັບວຽກງານທີ່ດິນ ແລະ ເກັບລາຍຮັບຕ່າງໆ ກ່ຽວກັບທີ່ດິນ;

4.     ສະເໜີຂັ້ນເທິງ ແລະ ສັ່ງໂຈະຊົ່ວຄາວ ຫຼື ຖາວອນ ຫຼື ຖອນໃບຢັ້ງຢືນ, ໃບອະນຸຍາດດຳເນີນກິດຈະການຕ່າງໆ ກ່ຽວກັບການບໍລິການ, ນຳໃຊ້, ສິດໃຊ້, ສິດນຳໃຊ້ ການໃຫ້ເຊົ່າ ຫຼື ສຳປະທານຊັບພະຍາກອນທຳມະຊາດ ແລະ ສິ່ງແວດລ້ອມ ທີ່ບໍ່ສອດຄ່ອງກັບກົດໝາຍ ແລະ ລະບຽບການຕ່າງໆທີ່ວາງອອກ;

5.     ຍ້ອງຍໍ ແລະ ປະຕິບັດນະໂຍບາຍ ຕໍ່ຜູ້ທີ່ມີຜົນງານ ໃນການປະກອບສ່ວນ, ໃນການຄຸ້ມຄອງ, ປົກປັກຮັກສາ ຟື້ນຟູບູລະນະ ຊັບພະຍາກອນທຳມະຊາດ ແລະ ສິ່ງແວດລ້ອມ ແລະ ຜູ້ມີຜົນງານດີເດັ່ນ ໃນການຈັດຕັ້ງປະຕິບັດວຽກງານການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດຢ່າງມີປະສິດທິຜົນ, ການຈັດຕັ້ງປະຕິບັດພັນທະທາງດ້ານສິ່ງແວດລ້ອມຂອງໂຄງການລົງທຶນ ແລະ ກິດຈະການຕ່າງໆພາຍໃນທ້ອງຖິ່ນຕົນ;

6.   ກ່າວເຕືອນ ຫຼື ນຳໃຊ້ຊັບພະຍາກອນອື່ນໆ ຕາມກົດໝາຍ ຕໍ່ຜູ້ທີ່ສ້າງຜົນເສຍຫາຍແກ່ຊັບ ພະຍາກອນທຳມະຊາດ ແລະ ສິ່ງແວດລ້ອມ ແລະ ບໍ່ປະຕິບັດພັນທະທາງດ້ານສິ່ງແວດລ້ອມ ຂອງໂຄງການລົງທຶນ ແລະ ກິດຈະ ການຕ່າງໆຕາມແຜນຄຸ້ມຄອງ ແລະ ຕິດຕາມກວດກາສິ່ງແວດລ້ອມ ລວມທັງສັນຍາສຳປະທານ ແລະ ສັນຍາຕ່າງໆ ທີ່ຕິດພັນກັບໂຄງການລົງທຶນ ແລະ ກິດຈະການຕ່າງໆຢູ່ພາຍໃນທີ່ຕົນຮັບຜິດຊອບ;

7.     ສະເໜີແຕ່ງຕັ້ງ, ຍົກຍ້າຍ, ປົດຕຳແໜ່ງ, ເລື່ອນຊັ້ນ, ຍ້ອງຍໍ, ປະຕິບັດວິໄນ ແລະ ປະຕິບັດນະໂຍບາຍ ອຸດ    ໜູນບຳເນັດ-ບຳນານ ອຸດໜູນທາດເບື່ອ, ເຄມີ ແລະ ສານພິດຕ່າງໆ, ອຸດໜູນເສຍກຳລັງແຮງຕໍ່ພະນັກງານຂັ້ນຕ່າງໆທີ່ຢູ່ຄວາມຮັບຜິດຊອບຂອງຕົນ;

8.     ເຂົ້້າຮ່ວມກອງປະຊຸມທັງພາຍໃນ ແລະ ຕ່າງປະເທດ ທີ່ພົວພັນກັບຊັບພະຍາກອນທຳມະຊາດ ແລະ ສິ່ງແວດ ລ້ອມຕາມການມອບໝາຍ ແລະ ເຫັນດີຂອງຂັ້ນເທິງ;

9.   ສະເໜີສ້າງຕັ້ງຄະນະກຳມະການສິ່ງແວດລ້ອມນະຄອນ ຄະນະກຳມະການອື່ນທີ່ຕິດພັນກັບການຄຸ້ມຄອງ ຊັບ ພະຍາກອນທຳມະຊາດ ແລະ ສິ່ງແວດລ້ອມ ຕາມຄວາມຈຳເປັນ;

10. ປະຕິບັດສິດອື່ນໆຕາມທີ່ຫົວໜ້າພະແນກຊັບພະຍາກອນທຳມະຊາດ ແລະ ສິ່ງແວດລ້ອມແຂວງ ຫຼື ເຈົ້ານະ  ຄອນ ໄດ້ມອບໝາຍໃຫ້ສະເພາະ ແລະ ຕາມສິດທີ່ໄດ້ກຳນົດໄວ້ໃນກົດໝາຍ ແລະ ລະບຽບການຕ່າງໆ.

 

 

 

 

ໝວດທີ 3

ໂຄງປະກອບການຈັດຕັ້ງ

 

ມາດຕາ 5 ໂຄງປະກອບກົງຈັກ

              ໂຄງ​ປະ​ກອບ​ກົງ​ຈັກການ​ຈັດ​ຕັ້ງຂອງ​ຫ້ອງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ ເມືອງເຊໂປນ ປະ​ກອບ​ດ້ວຍ:

1.   ໜ່ວຍ​ງານ​ບໍ​ລິ​ຫານ

2.   ໜ່ວຍ​ງານ​ທີ່ດິນ

3.   ໜ່ວຍງານ ນໍ້າ, ອຸຕຸນິຍົມ ແລະ ສິ່ງແວດລ້ອມ

 

ມາດຕາ 6 ໂຄງປະກອບບຸກຄະລາກອນ

    ບຸກຄະລາກອນຂອງ ຫ້ອງການຊັບພະຍາກອນທໍາມະຊາດ ແລະ ສິ່ງແວດລ້ອມ ເມືອງເຊໂປນ ປະກອບດ້ວຍ:

1.     ຫົວໜ້າຫ້ອງການ 01 ທ່ານ ຮັບຜິດຊອບຕໍ່ ຫ້ອງການ ແລະ ພະແນກຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ໃນການຄຸ້ມຄອງຂະແໜງການຕົນຮັບຜິດຊອບ ຊຶ່ງມີສິດ ແລະ ໜ້າທີ່ ຕາມທີ່ກຳນົດໄວ້.

ໃນເວລາຫົວໜ້າຫ້ອງການ ຕິດຄັດຕ້ອງມອບສິດໃຫ້ຮອງຫົວໜ້າຫ້ອງການທ່ານໃດໜຶ່ງ ເປັນຜູ້ຮັກສາການແທນ;

2.     ມີຮອງຫົວໜ້າຫ້ອງການຈຳນວນ 02 ທ່ານ ເຊິ່ງຊ່ວຍຫົວໜ້າຫ້ອງການ ໃນການຊີ້ນໍາວຽກງານຂອງຕົນ, ຮັບຜິດຊອບວຽກງານໃດໜື່ງ ຕາມການມອບໝາຍຂອງຫົວໜ້າຫ້ອງການ. ຮອງຫົວໜ້າຫ້ອງການເປັນຜູ້ຮັກສາການແທນໃນເວລາຫົວໜ້າຫ້ອງການ ຕິດຂັດ;

3.   ຫົວໜ້າໜ່ວຍງານ, ຮອງຫົວໜ້າໜ່ວຍງານ ແລະ ລັດຖະກອນວິຊາການຈຳນວນໜຶ່ງ ຕາມການກຳນົດຕຳ  ແໜ່ງງານ.

    ການບັນຈຸ, ຊັບຊ້ອນ, ແຕ່ງຕັ້ງ, ຍົກຍ້າຍ ຫຼື ປົດຕຳແໜ່ງ ແມ່ນປະຕິບັດຕາມກົດໝາຍ ແລະ ລະບຽບການທີ່ກຳນົດໄວ້.

 

ໝວດທີ 4

ໜ້າ​ທີ່ ແລະຂອບ​ເຂດ​ສິດ​ ຂອງ​ໜ່ວຍ​ງານ                                                         

ມາດຕາ 7 ໜ້າທີ່ ແລະ ຂອບເຂດສິດ ຂອງໜ່ວຍງານບໍ​ລິ​ຫານ

1.     ຜັນ​ຂະ​ຫຍາຍ​ແຜນ​ການ, ແຜນ​ງານໂຄງ​ການ​ຂອງ​ຫ້ອງ​ການ​ໃຫ້​ເປັນ​ໜ້າ​ວຽກ​ລະ​ອຽດຂອງ​ໜ່ວຍ​ງານ​ຕົນພ້ອມ​ທັງ​ຮັບ​ຜິດ​ຊອບ​ຈັດ​ຕັ້ງ​ປະ​ຕິ​ບັດໃຫ້​ມີ​ປະ​ສິດ​ທິ​ຜົນ​ສູງ;

2.     ເປັນ​ໃຈ​ການງ​ປະ​ສານ​ງານ ແລະ ອຳ​ນວຍ​ຄວາມ​ສະ​ດວກທັງ​ໃຫ້​ການ​ຊ່ວຍເຫຼືອ ແລະ ການ​ຮ່ວມ​ມືຕາມ​ຄວາມ​ເໝາະ​ສົມ​ແກ່​ບັນ​ດາ​ໜ່ວຍ​ງານ​ຕ່າງໆພາຍ​ໃນ​ຫ້ອງ​ການ​ໃນ​ກນ​ຈັດ​ຕັ້ງ​ປະ​ຕິ​ບັດໜ້າ​ທີ່​ວິ​ຊາ​ສະ​ເພາະ​ຂອງ​ຫ້ອງ​ການ;

3.     ຄຸ້ມ​ຄອງ​ບໍ​ລິ​ການ​ວຽກ​ງານຂາ​ເຂົ້າ-ຂາ​ອອກສຳ​ເນົາແລະການ​ປົກ​ປັກ​ຮັກ​ສາ​ເອ​ກະ​ສານ, ຈໍ​ລະ​ຈອນແຈກ​ຢາຍ​ເອ​ກະ​ສານ, ວຽກ​ງານ​ພິ​ທີ​ການ, ຮັບ​ແຂກ, ອະ​ນາ​ໄມ, ຄວາມ​ເປັນ​ລະ​ບຽບ​ຮຽບ​ຮ້ອຍ ແລະ ອື່ນໆ;

4.     ສ້າງ​ແຜນ​ການ​ເຄື່ອນ​ໄຫວ​ຂອງ​ຫ້ອງ​ການ​ປະ​ຈຳ​ເດືອນ, 3 ເດືອນ, 6 ເດືອນ ແລະ ປະ​ຈຳ​ປີ​ພ້ອ​ມ​ທັງ​ລ​າຍ​ງານ​ສະ​ພາບ​ການຈັດ​ຕັ້ງ​ປະ​ຕິ​ບັດ​ວຽກ​ງານຂອງ​ຫ້ອງ​ການ​ໃນ​ແຕ່​ລະ​ໄລ​ຍະບົນ​ພື້​ນ​ຖານ​ສັງ​ລວມ​ບັນ​ດາ​ແຜນ​ການ ແລະບົດ​ລາຍ​ງານ​ສະ​ເພາະຂອງ​ແຕ່​ລະ​ໜ່ວຍ​ງານ​ພາຍ​ໃນ​ຫ້ອງ​ການ;

5.     ສ້າງ​ແຜນ​ການ​ເຄື່ອນ​ໄຫວ​ວຽກ​ງານ, ແຜນ​ງົບ​ປະ​ມານ​ປະ​ຈຳ​ປີ, ແຜນ​ຈັດ​ຊຶ້, ຈັດ​ຈ້າງ, ກໍ່​ສ້າງ, ສ້ອມ​ແປງ, ຄຸ້ມ​ຄອງ​ສັບ​ສົມ​ບັດ​ຂອງ​ລັດ​ທີ່​ຫ້ອງ​ການ​ຄຸ້ມ​ຄອງ, ນຳ​ໃຊ້​ໃຫ້​ຖືກ​ຕ້ອງ​ຕາມ​ເປົ້າ​ໝາຍ ແລະ ລະ​ບຽບ​ການ.

6.     ເກັບ​ຄ່າ​ທຳ​ນຽມ, ຄ່າ​ບໍ​ລິ​ການ​ກ່ຽວ​ກັບ​ວຽກ​ງານຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມໃນ​ຂອບ​ເຂດ​ຂອງ​ຕົນຮັບຜິດຊອບ;

7.     ເກັບ​ກຳ​ສັງ​ລວມ ແລະ ສ້າງ​ລະ​ບົບ​ຖານ​ຂໍ້​ມູນ-ຂ່າວ​ສານໃນ​ຂົງ​ເຂດ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມເພື່ອ​ຄຸ້ມ​ຄອງ​ຢ່າງ​ລວມ​ສູນແນ​ໃສ່​ເພື່ອ​ເກັບ​ຮັກ​ສາ, ນຳ​ໃຊ້, ແລກ​ປ່ຽນ ແລະ ບໍ​ລິ​ການ;

8.     ເຜີຍ​ແຜ່​ປະ​ຊາ​ສຳ​ພັນ​ຂໍ້​ມູນ-ຂ່າວ​ສານກ່ຽວ​ກັບ​ວຽກ​ງານ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມຂອງ​ກະ​ຊວງ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ແຂວງ ແລະ ຫ້ອງ​ການ​ທີ່​ຕົນ​ຮັບ​ຜິດ​ຊອບຜ່ານ​ສື່, ສິ່ງ​ພິມ, ໂທ​ລະ​ພາບ, ວິ​ທະ​ຍຸ ແລະ ການ​ສື່​ສານ​ອື່ນໆ​ທີ່​ເໝາະ​ສົມ;

9.     ເກັບ​ກຳ​ຂໍ້​ມູນ, ສັງ​ລວມ​ສະ​ຖິ​ຕິ, ຊີ​ວະ​ປະ​ຫວັດ, ການ​ເລື່ອນ​ຊັ້ນ, ຂັ້ນ​ເງິນ​ເດືອນ, ການ​ອຸດ​ໜູນ, ການ​ບຳ​ເນັດ-ບຳ​ນານ, ການ​ເສຍ​ຊີ​ວິດ, ອື່ນໆ​ພ້ອມ​ທັງ​ຕີ​ລາ​ຄາ ແລະ ປະ​ເມີນ​ຜົນ​ການ​ປະ​ຕິ​ບັດ​ໜ້າ​ທີ່​ວຽກ​ງານຂອງ​ພະ​ນັກ​ງານ​ລັດ​ຖະ​ກອນ​ພາຍ​ໃນ​ຫ້ອງ​ການ​ຕົນຕາມ​ກົດ​ໝາຍ ແລະ ລະ​ບຽບ​ການ​ທີ່​ກ່ຽວ​ຂ້ອງ​ກຳ​ນົດ​ໄວ້;

10.  ສ້າງແລະປັບ​ປຸງ​ແຜນ​ການກໍ່​ສ້າງ ແລະ ບຳ​ລຸງ​ພະ​ນກ​ງານ​ທາງ​ດ້ານ​ການ​ເມືອງ-ແນວ​ຄິດ, ວິ​ຊາ​ສະ​ເພາະ ແລະ ນຳ​ໃຊ້​ພະ​ນັກ​ງານ​ລັດ​ຖະ​ກອນໃນ​ຫ້ອງ​ການ​ຕົນລວມ​ທັງ​ວຽກ​ງ​ານ​ອົງ​ການ​ຈັດ​ຕັ້ງ​ມະ​ຫາ​ຊົນ, ວຽກ​ງານ​ໂຄ​ສະ​ນາອົບ​ຮົມ ແລະ ອື່ນໆ​ລະ​ບົບ​ສາຍ​ຂວາງ;

11.  ຄົ້ນ​ຄວ້າ ແລະ ນຳ​ສະ​ເໜີ​ຂັ້ນ​ເທິງ, ແຕ່ງ​ຕັ້ງ, ຍົກ​ຍ້າຍ, ປິດ​ຕຳ​ແໜ່ງ, ເລື່ອນ​ຊັ້ນ, ຍ້ອງ​ຍໍປະ​ຕິ​ບັດ​ວິ​ໄນ ແລະ ປະ​ຕິ​ບັດ​ນະ​ໂຍ​ບາຍ​ອື່ນໆ ຕໍ່​ພະ​ນັກ​ງ​ານ-ລັດ​ຖະ​ກອນ​ທີ່​ຢູ່​ໃນ​ຄວາມ​ຮັບ​ຜິດ​ຊອບ​ຂອງ​ຫ້ອງ​ການ;

12.  ຄົ້ນ​ຄວ້າ ແລະ ນຳ​ສະ​ເໜີ​ການ​ປະ​ຕິ​ບັດ​ນະ​ໂຍ​ບາຍ​ຕໍ່​ການ​ຈັດ​ຕັ້ງບຸກ​ຄົນ ຫຼື ນິ​ຕິ​ບຸກ​ຄົນທີ່​ມີ​ຜົນ​ງານ​ດີ​ເດັ່ນໃນ​ການ​ປະ​ກອບ​ສ່ວນເຂົ້າ​ໃນ​ການ​ຄຸ້ມ​ຄອງ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມໃນ​ຂອບ​ເຂດ​ນະ​ຄອນ​ຂອງ​ຕົນ ແລະ ປະ​ຕິ​ບັດ​ວິ​ໄນ​ຕໍ່​ການ​ຈັດ​ຕັ້ງບຸກ​ຄົນ ຫຼື ນິ​ຕິ​ບຸກ​ຄົນ​ທີ່​ລະ​ເມີດ​ກົດ​ໝາຍ ແລະ ລະ​ບຽບ​ການ;

13.  ພົວ​ພັນ​ຮ່ວມ​ມື​ກັບ​ຕ່າງ​ປະ​ເທດ ແລະ ບັນ​ດາ​ອົງ​ການ​ຈັດ​ຕັ້ງ​ສາ​ກົນທັງ​ພາຍ​ໃນ ແລະ ຕ່າງ​ປະ​ເທດ​ເພື່ອຂົນ​ຂວາຍ​ເອົາ​ທຶນ, ເຕັກ​ນິກ-ວິ​ຊາ​ການເພື່ອ​ສ້າງ​ຄວາມ​ເຂັ້ມ​ແຂງວຽກ​ງານຂອງ​ໜ່ວຍ​ງານ​ຕົນຕາມ​ການມອບ​ໝາຍ ແລະການ​ເຫັນ​ດີ​ຂອງ​ຂັ້ນ​ເທິງ;

14.  ຄຸ້ມ​ຄອງ, ບໍ​ລິ​ຫານ​ການ​ເງິນ, ຊັບ​ສິນ ແລະ ເອ​ກະ​ສານ​ໜ່ວນ​ງານ​ດິນພ້ອມ​ທັງ​ຂຶ້ນ​ແຜນ​ການງົບ​ປະ​ມານ ແລະ ສະ​ຫຼຸບ​ວຽກ​ງານ ແລະ ສະ​ຫຼຸບ​ວຽກ​ງານການ​ເຄື່ອນ​ໄຫວ​ວຽກ​ງ​ານ​ຂອງ​ໜ່ວຍ​ງານ​ດິນຕໍ່​ຫົວ​ໜ້າ​ຫ້ອງ​ການ​ເປັນ​ແຕ່​ລະ​ໄລ​ຍະ;

15.  ຕິດ​ຕາມ​ການ​ປະ​ຕິ​ບັດສິດ ແລະ ໜ້າ​ທີ່​ ແລະ ຄວາມ​ຮັບ​ຜິດ​ຊອບ​ຂອງ​ພະ​ນັກ​ງານ-ລັດ​ຖະ​ກອນທີ່​ຂຶ້ນ​ກັບ​ສິດແລະ ຄຸ້ມ​ຄອງ​ຂອງ​ໜ່ວຍ​ງານ​ຕົນເພື່ອ​ສະ​ກັດ​ກັ້ນ​ປະ​ກົດ​ການ​ລະ​ເມີດ​ມະ​ຕິ, ຄຳ​ສັ່ງ, ກົດ​ໝາຍ ແລະ ລະ​ບຽບ​ການ​ຕ່າງໆ​ຂອງ​ລັດ;

16.  ປະ​ເມີນ​ຜົນ ແລະ ສະ​ຫຼຸບ​ລາຍ​ງານການ​ເຄື່ອນ​ໄຫວ​ວຽກ​ງານ​ຂອງ​ໜ່ວຍ​ງານ​ຕົນຕໍ່​ຫົວ​ໜ້າ​ຫ້ອງ​ການ​ເປັນ​ແຕ່​ລະ​ໄລ​ຍະ;

17.  ປະ​ຕິ​ບັດ​ສິດ ແລະ ໜ້າ​ທີ່​ອື່ນໆ ຕາມ​ການມອບ​ໝາຍ​ຂອງ​ຫົວ​ໜ້າ​ຫ້ອງ​ການ ແລະ ຂັ້ນ​ເທິງ.

 

ມາດຕາ 8 ໜ້າ​ທີ່ ແລະ ຂອບ​ເຂດ​ສິດຂອງ​ໜ່ວຍ​ງານ​ທີ່ດິນ

1.     ຜັນ​ຂະ​ຫຍາຍ​ແຜນ​ການ, ແຜນ​ງານ, ໂຄງ​ການ​ຂອງ​ຫ້ອງ​ການໃຫ້​ເປັນ​ໜ້າ​ວຽກ​ລະ​ອຽດ ຂອງ​ໜ່ວຍ​ງານ​ຕົນພ້ອມ​ທັງ​ຮັບ​ຜິດ​ຊອບ​ຈັດ​ຕັ້ງ​ປະ​ຕິ​ບັດ​ໃຫ້​ໄດ້​ມີ​ປະ​ສິດ​ທິ​ຜົນ​ສູງ;

2.     ເປັນ​ໃຈ​ການງ​ປະ​ສານ​ງານ ແລະ ອຳ​ນວຍ​ຄວາມ​ສະ​ດວກທັງ​ໃຫ້​ການ​ຊ່ວຍເຫຼືອ ແລະ ການ​ຮ່ວມ​ມືຕາມ​ຄວາມ​      ເໝາະ​ສົມ​ແກ່​ບັນ​ດາ​ໜ່ວຍ​ງານ​ຕ່າງໆພາຍ​ໃນ​ຫ້ອງ​ການ​ໃນ​ກນ​ຈັດ​ຕັ້ງ​ປະ​ຕິ​ບັດໜ້າ​ທີ່​ວິ​ຊາ​ສະ​ເພາະ​ຂອງ​ຫ້ອງ​ການ;

3.     ຄົ້ນ​ຄວ້າ, ສ້າງ, ຄຸ້ມ​ຄອງແລະນຳ​ໃຊ້​ຖານ​ຂໍ້​ມູນ-ຂ່າວ​ສານ​ທີ່​ດິນ​ຢູ່​ພາຍ​ໃນ​ນະ​ຄອນ;

4.     ດຳ​ເນີນ​ການ​ສຳ​ຫຼວດ, ວັດ​ແທກ ແລະ ສອບ​ຖາມ​ສິດ​ນຳ​ໃຊ້​ທີ່​ດິນເພື່ອ​ຂຶ້ນ​ທະ​ບຽນ​ອອກ​ໃບ​ຕາ​ດິນ, ອອກ​ໃບ​ຢັ້ງ​ຢືນ​ການນໍາ​ໃຊ້​ທີ່​ດິນ, ການ​ພັດ​ທະ​ນາ​ທີ່​ດິນ, ການ​ສ້າງ​ສຳ​ມະ​ໂນ​ທີ່​ດິນ;

5.     ຄົ້ນ​ຄວ້າ, ການ​ປ່ຽນ​ແປງ​ສິດ​ນຳ​ໃຊ້​ທີ່​ດິນລວມ​ທັງ​ການ​ແບ່ງ​ແຍກ ແລະ ໂຮມ​ຕອນ​ດິນ, ຈົດ​ທະ​ບຽນ​ການ​ເຄື່ອນ​ໄຫວ​ສິດ​ນຳ​ໃຊ້​ທີ່​ດິນ;

6.     ຄິດ​ໄລ່​ຄ່າ​ທຳ​ນຽມ, ເກັບ​ຄ່າ​ບໍ​ລິ​ການ​ໃນ​ການ​ຈົດ​ທະ​ບຽນການ​ເຄື່ອນ​ໄຫວ, ການ​ປ່ຽນ​ແປງ​ສິດ​ນຳ​ໃຊ້​ທີ່​ດິນ​ຕາມ​ກົດ​ໝາຍ ແລະ ລະ​ບຽບ​ການ;

7.     ຕິດ​ຕາມກວດ​ກາ​ນຳ​ໃຊ້​ທີ່​ດິນເປັນ​ຕົ້ນການ​ຫັນ​ປ່ຽນ​ປະ​ເພດ​ດິນ, ເປົ້າ​ໝາຍ​ການ​ນຳ​ໃຊ້​ທີ່​ດິນ;

8.     ຮັບ​ຄຳ​ຮ້ອງ ຫຼື ຄຳ​ສະ​ເໜີ ແລະ ການ​ແກ້​ໄຂ​ບັນ​ຫາ​ທີ່​ດິນ, ທາງ​ດ້ານ​ບໍ​ລິ​ການ​ຕາມ​ກົດ​ໝາຍໂດຍ​ປະ​ສານ​ສົມ​ທົບ​ກັບ​ຫ້ອງ​ການ ແລະ ອົງ​ການ​ປົກ​ຄອງ​ບ້ານ​ທີ່​ກ່ຽວ​ຂ້ອງພາຍ​ໃນ​ນະ​ຄອນ;

9.     ສ້າງແຜນການເຄື່ອນໄຫວວຽກງານ, ແຜນງານງົບປະມານຂອງໜ່ວຍງານຕົນ ເພື່ອສະເໜີເຂົ້າແຜນການລວມຂອງຫ້ອງການ;

10.  ຕິດຕາມການປະຕິບັດສິດ, ໜ້າທີ່ ແລະ ຄວາມຮັບຜິດຊອບຂອງພະນັກງານ-ລັດຖະກອນ ທີ່ຂຶ້ນກັບສິດ ຄຸ້ມຄອງຂອງໜ່ວຍງານຕົນ ເພື່ອສະກັດກັ້ນປະກົດການລະເມີດ, ມະຕິ ຄຳສັ່ງ, ກົດໝາຍ ແລະ ລະບຽບການຕ່າງໆ ຂອງລັດ;

11.  ປະ​ເມີນ​ຜົນ ແລະ ສະ​ຫຼຸບ​ລາຍ​ງານການ​ເຄື່ອນ​ໄຫວ​ວຽກ​ງານ​ຂອງ​ໜ່ວຍ​ງານ​ຕົນຕໍ່​ຫົວ​ໜ້າ​ຫ້ອງ​ການ​ເປັນ​ແຕ່​ລະ​ໄລ​ຍະ;

12.  ປະຕິບັດໜ້າທີ່ອື່ນໆ ຕາມການມອບໝາຍຂອງຫົວໜ້າຫ້ອງການ, ນະຄອນ ແລະ ຂັ້ນເທິງ.

 

ມາດຕາ 9 ໜ້າ​ທີ່ ແລະ ຂອບ​ເຂດ​ສິດຂອງ​ໜ່ວຍ​ງານ​ນໍ້າ, ອຸຕຸນິຍົມ ແລະ ສິ່ງແວດລ້ອມ

1.     ຜັນ​ຂະ​ຫຍາຍ​ແຜນ​ການ, ແຜນ​ງານ, ໂຄງ​ການ​ຂອງ​ຫ້ອງ​ການໃຫ້​ເປັນ​ໜ້າ​ວຽກ​ລະ​ອຽດ ຂອງ​ໜ່ວຍ​ງານ​ຕົນພ້ອມ​ທັງ​ຮັບ​ຜິດ​ຊອບ​ຈັດ​ຕັ້ງ​ປະ​ຕິ​ບັດ​ໃຫ້​ໄດ້​ມີ​ປະ​ສິດ​ທິ​ຜົນ​ສູງ;

2.     ເປັນ​ໃຈ​ການງ​ປະ​ສານ​ງານ ແລະ ອຳ​ນວຍ​ຄວາມ​ສະ​ດວກທັງ​ໃຫ້​ການ​ຊ່ວຍເຫຼືອ ແລະ ການ​ຮ່ວມ​ມືຕາມ​ຄວາມ​ເໝາະ​ສົມ​ແກ່​ບັນ​ດາ​ໜ່ວຍ​ງານ​ຕ່າງໆພາຍ​ໃນ​ຫ້ອງ​ການ​ໃນ​ກນ​ຈັດ​ຕັ້ງ​ປະ​ຕິ​ບັດໜ້າ​ທີ່​ວິ​ຊາ​ສະ​ເພາະ​ຂອງ​ຫ້ອງ​ການ;

3.     ທົບ​ທວນ ແລະ ພິ​ຈາ​ລະ​ນາ​ຮັບ​ຮອງ​ເອົາ​ແຜນ​ຄຸ້ມ​ຄອງ​ສິ່ງ​ແວດ​ລ້ອມສຳ​ລັບ​ທຸ​ລະ​ກິດ​ຄອບ​ຄົວໃນ​ຂອບ​ເຂດ​ນະ​ຄອນ​ຂອງ​ຕົນເຂົ້າ​ຮ່ວມ​ຂະ​ບວນ​ການ​ທົບ​ທວນ ແລະ ພິ​ຈາ​ລະ​ນາ​ຮັບ​ຮອງ​ເອົາ​ບົດ​ລາຍ​ງານ​ການ​ສຶກ​ສາ​ເບຶ້ອງ​ຕົ້ນກ່ຽວ​ກັບ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ, ບົດ​ປະ​ເມີນ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ​ແບບ​ລະ​ອຽດ​ຂອງ​ໂຄງ​ການ​ລົງ​ທຶນ ໃນ​ຂອບ​ເຂດນະ​ຄອນ​ຂອງ​ຕົນ;

4.     ເຂົ້າ​ຮ່ວມ​ປ້ອງ​ກັນ, ຄວບ​ຄຸມ ແລະ ຕິດ​ຕາມກວດ​ກາ​ມົນ​ລະ​ພິດ​ທາງ​ອາ​ກາດ, ນ້ຳ, ດິນ, ສຽງ ແລະ ກິ່ນຈາກ​ແຫຼ່ງ​ປ່ອຍ ແລະ ແຫຼ່ງ​ທົ່ວ​ໄປ, ຄຸ້ມ​ຄອງ​ສານ​ເຄ​ມີ​ທີ່​ເປັນ​ພິດ, ວັດ​ຖຸ​ອັນ​ຕະ​ລາຍ,  ສິ່ງ​ເສດ​ເຫຼືອ​ອັນ​ຕະ  ​ລ​າຍ ແລະ ສິ່ງ​ເສດ​ເຫຼືອ​ອື່ນໆ ສຳ​ຫຼວດ ແລະ ເກັບ​ກຳ​ຂໍ້​ມູນ​ມົນ​ລະ​ພິດ, ວາງ​ແຜນ, ປ້ອງ​ກັນ, ສະ​ກັດ​ກັ້ນ ແລະ ແກ້​ໄຂ​ເຫດ​ການ​ສຸກ​ເສີນທີ່​ມີ​ຜົນ​ກະ​ທົບ​ຕໍ່​ສິ່ງ​ແວດ​ລ້ອມ-ສັງ​ຄົມ ແລະ ທຳ​ມະ​ຊາດ​ໃນ​ຂອບ​ເຂດນະ​ຄອນ​ຂອງ​ຕົນ;

5.     ສົ່ງ​ເສີມ ແລະ ສ້າງ​ຈິດ​ສຳ​ນຶກ​ໃນ​ການ​ປົກ​ປັກ​ຮັກ​ສາ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ, ຈັດ​ຕັ້ງ​ປະ​ຕິ​ບັດ​ແຜນ​ການ​ສ້າງ​ຕົວ​ເມືອງ ແລະ ຊົນ​ນະ​ບົດ​ຍືນ​ຍົງດ້ານ​ສິ່ງ​ແວດ​ລ້ອມ​ໃນ​ຂອບ​ເຂດ​ນະ​ຄອນ​ຂອງ​ຕົນ, ລວມ​ທັງ​ວຽກ​ງ​ານ​ການ​ປ່ຽນ​ແປງ​ດິນ​ຟ້າ​ອາ​ກາດ ແລະ ຫຼຸດ​ຜ່ອນ​ຄວາມ​ສ່ຽງ​ດ້ານ​ໄພ​ພິ​ບັດໃນ​ຂອບ​ເຂດ​ຂອງ​ຖິ່ນ​ຕົນ​ຕາມ​ທິດ​ທີ່​ມີ​ຄຸນ​ນະ​ພາບ​ຂອງ​ຕົນ, ຕໍ່​ເນື່ອງ, ຍືນ​ຍົງ ແລະ ເປັນ​ສີ​ຂຽວ;

6.     ເຂົ້າ​ຮ່ວມ​ຕິດ​ຕາມກວດ​ກາ​ມົນ​ລະ​ພິດ​ທຸກ​ປະ​ເພດຈາກ​ບັນ​ດາ​ໂຄງ​ການ​ລົງ​ທຶນ ແລະ ກິດ​ຈະ​ການ​ຕ່າງໆ ເພື່ອ​ແກ້​ໄຂ​ບັນ​ຫາ​ຮ່ວມ​ກັບ​ຂະ​ແໜງ​ສາຍ​ຕັ້ງ​ຢູ່​ໃນນະ​ຄອນ​ຂອງ​ຕົນລວມ​ທັງ​ສຳ​ຫຼວດ-ຈັດ​ສັນ​ພື້ນ​ທີ່ ສ້າງ​ສະ​ໜາມ​ກຳ​ຈັດ​ຂິ້​ເຫຍື້ອ​ຂອງ​ນະ​ຄອນໂດຍ​ປະ​ສານ​ສົມ​ທົບ​ກັບ​ຂະ​ແໜງ​ການ​ທີ່​ກ່ຽວ​ຂ້ອງ​ຂັ້ນ​ທ້ອງ​ຖິ່ນ;

7.     ສ້າງ​ແຜນ​ຄຸ້ມ​ຄອງ ແລະ ບົດ​ລາຍ​ງານ​ສະ​ພາບ​ລວມ​ອ່າງ​ຮັບ​ນ້ຳ​ຂະ​ໜາດ​ນ້ອຍ, ຄົ້ນ​ຄວ້າ​ກຳ​ນົດ​ເຂດ​ສະ​ຫງວນ​ນ້ຳນຳ​ສະ​ເໜີ​ອອກ​ໃບ​ອະ​ນຸ​ຍາດນຳ​ໃຊ້​ນ້ຳ​ໃຕ້​ດິນ​ຂະ​ໜາດ​ກາງ, ຢັ້ງ​ຢືນ​ດ້ານ​ວິ​ຊາ​ການ ແລະ ອອກ​ໃບ​ອະ​ນຸ​ຍາດບໍ​ລິ​ການ​ຂຸດ​ເຈາະ​ນ້ຳ​ໃຕ້​ດິນ, ກວດ​ກາ​ຄຸນ​ນະ​ພາບ​ນ້ຳ ແລະ ການ​ປ່ອຍ​ນ້ຳ​ເປື້ອນ​ລວມ​ທັງ​ເຂົ້າ​ຮ່ວມ​ຕິດ​ຕາມກວດ​ກາ ແລະ ປະ​ເມີນ​ຜົນ​ກາ​ນັ​ຈັດ​ຕັ້ງ​ປະ​ຕິ​ບັດ​ວຽກ​ງານ​ຄຸ້ມ​ຄອງ, ອະ​ນຸ​ລັກ, ຟື້ນ​ຟູ, ນຳ​ໃຊ້ ແລະ ໂຄງ​ການ​ພັດ​ທະ​ນາ​ຕ່າງໆ ທີ່​ກ່ຽວ​ຂ້ອງ​ກັບ​ຊັບ​ພະ​ຍາ​ກອນ​ນ້ຳຢູ່​ໃນ​ຂອບ​ເຂດນະ​ຄອນ​ຂອງ​ຕົນ;

8.     ເຜີຍ​ແຜ່ ແລະ ໂຄ​ສະ​ນາ​ປະ​ຊາ​ສຳ​ພັນ, ກວດ​ກາ, ຄົ້ນ​ຄວ້າ ແລະ ແກ້​ໄຂ​ຂໍ້​ຂັດ​ແຍ່ງ​ທາງ​ບໍ​ລິ​ຫານທີ່​ພົວ​ພັນ​ເຖິງ​ການ​ຄຸ້ມ​ຄອງ-ບໍ​ລິ​ຫານ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ຕາມ​ຂອບ​ເຂດ​ຄວາມ​ຮັບ​ຜິດ​ຊອບ​ຂອງ​ຕົນ;

9.     ປະ​ສານ​ງານ ແລະ ເຂົ້າ​ຮ່ວມ​ກັບ​ພາກ​ສ່ວນ​ທີ່​ກ່ຽວ​ຂ້ອງທັງ​ສູນ​ກາງ ແລະ ທ້ອງ​ຖິ່ນໃນ​ການ​ຄຸ້ມ​ຄອງ​ຊັບ​ພະ​ຍາ​ກອນ​ນ້ຳໃນ​ຂອບ​ເຂດ​ນະ​ຄອນ​ຂອງ​ຕົນ;

10.  ຕິດ​ຕາມ, ສະ​ພາບ​ອາ​ກາດ, ວັດ​ແທກ, ເກັບ​ກ​ກຳ, ສັງ​ລວມ, ຄຸ້ມ​ຄອງ ແລະ ລາຍ​ງານ​ຂໍ້​ມູນ​ອຸ​ຕຸ​ນິ​ຍົມ ແລະອຸ ​ທົກ​ກະ​ສາດ ໄພ​ພິ​ບັດ ແລະ ແຜ່ນ​ດິນ​ໄຫວ, ເຜີຍ​ແຜ່ ແລະ ນຳ​ໃຊ້​ຂໍ້​ມູນ-ຂ່າວ​ສານ​ຊັບ​ພະ​ຍາ​ກອນນ້ຳ, ອຸ​ຕຸ​ນິ​ຍົມແລະ ອຸ​ທົກ​ກະ​ສາດໄພ​ພິ​ບັດ ແລະ ການ​ປ່ຽນ​ແປງ​ດິນ​ຟ້າ​ອາ​ກາດໃນ​ຂອບ​ເຂດ​ຄວາມ​ຮັບ​ຜິດ​ຊອບ​ຂອງ​ຕົນ, ໂດຍ​ສົມ​ທົບ​ກັບ​ພາກ​ສ່ວນ​ທີ່​ກ່ຽວ​ຂ້ອງທັງ​ຂັ້ນ​ສູນ​ກາງ ແລະ ທ້ອງ​ຖິ່ນ;

11.  ຍົກ​ລະ​ດັບ​ຄວາມ​ສາ​ມາດ​ໃນ​ການ​ນຳ​ໃຊ້​ຕາ​ໜ່າງ​ສະ​ຖາ​ນີ​ອຸ​ຕຸ​ການ​ບິນ ແລະ ການ​ບໍ​ລິ​ການ​ແກ່​ວຽກ​ງານ​ຄົມ​ມະ​ນາ​ຄົມ​ທາງ​ອາ​ກາດ, ປັບ​ປຸງ​ຕາ​ໜ່າງ​ສະ​ຖາ​ນີ​ອຸ​ຕຸ​ກະ​ເສດ, ເພື່ອ​ຮັບ​ປະ​ກັນແຜນ​ງານ​ຄ້ຳ​ປະ​ກັນ​ສະ​ບຽງ​ອາ​ຫານ ແລະ ຜະ​ລິດ​ສິນ​ຄ້າໃນ​ຂອບ​ເຂດ​ນະ​ຄອນ​ຂອງ​ຕົນ;

12.  ເຂົ້າ​ຮ່ວມ​ການ​ຈັດ​ຕັ້ງ​ປະ​ຕິ​ບັດ​ດໍາ​ລັດ, ຍຸດ​ທະ​ສາດແຜນດໍາເນີນ​ງານ​ປ່ຽນ​ແປງ​ດິນ​ຟ້າ​ອາ​ກາດ ແລະ ວຽກ​ງານ​ຫຼຸດ​ຜ່ອນການ​ປ່ອຍ​ອາຍ​ພິດ​ເຮືອນ​ແກ້ວ, ສໍາຫຼ​ວດ, ເກັບ​ກຳ​ຂໍ້​ມູນ, ກໍາ​ນົດ​ພຶ້ນ​ທີ່ ແລະ ສ້າງ​ແຜນ​ທີ່ ຄວາມ​ສ່ຽງ ແລະ ຄວມບອບ​ບາງ​ຕໍ່​ການ​ປ່ຽນ​ແປງ​ດິນ​ຟ້າ​ອາ​ກາດໃນ​ນະ​ຄອນ​ຂອງ​ຕົນ;

13.  ຕິດ​ຕາມກວດ​ກາ​ຜູ້​ປະ​ກອບ​ການລວ​ມ​ທັງ​ຂະ​ແໜງ​ການ​ລັດທີ່​ກ່ຽວ​ຂ້ອງ​ຈັດ​ຕັ້ງ​ປະ​ຕິ​ບັດ​ພັນ​ທະ ແລະ ແຜນ​ການ​ຄຸ້ມ​ຄອງ​ສິ່ງ​ແວດ​ລ້ອມ​ໂຄງ​ການ. ກວດກາການຄຸ້ມຄອງ ແລະ ນຳໃຊ້ຊັບພະຍາກອນທຳມະຊາດ, ເປັນຕົ້ນ:  ດິນ, ນໍ້າ, ແຮ່ທາດ, ປ່າໄມ້ ແລະ ຊີວະນາໆພັນ ຂອງບັນດາຂະແໜງການ, ໂຄງການລົທຶນ ແລະ ກິດຈະການຕ່າງໆ ຕາມພາລະບົດບາດ ແລະ ຄວາມຮັບຜິດຊອບຂອງຕົນ;

14.  ສ້າງແຜນການເຄື່ອນໄຫວວຽກງານ, ແຜນງານງົບປະມານຂອງໜ່ວຍງານຕົນ ເພື່ອສະເໜີເຂົ້າແຜນການລວມຂອງຫ້ອງການ;

15.  ຕິດຕາມການປະຕິບັດສິດ, ໜ້າທີ່ ແລະ ຄວາມຮັບຜິດຊອບຂອງພະນັກງານ-ລັດຖະກອນ ທີ່ຂຶ້ນກັບສິດ ຄຸ້ມຄອງຂອງໜ່ວຍງານຕົນ ເພື່ອສະກັດກັ້ນປະກົດການລະເມີດ, ມະຕິ ຄຳສັ່ງ, ກົດໝາຍ ແລະ ລະບຽບການຕ່າງໆ ຂອງລັດ;

16.  ປະ​ເມີນ​ຜົນ ແລະ ສະ​ຫຼຸບ​ລາຍ​ງານການ​ເຄື່ອນ​ໄຫວ​ວຽກ​ງານ​ຂອງ​ໜ່ວຍ​ງານ​ຕົນຕໍ່​ຫົວ​ໜ້າ​ຫ້ອງ​ການ​ເປັນ​ແຕ່​ລະ​ໄລ​ຍະ;

17.  ປະຕິບັດໜ້າທີ່ອື່ນໆ ຕາມການມອບໝາຍຂອງຫົວໜ້າຫ້ອງການ, ນະຄອນ ແລະ ຂັ້ນເທິງ.

 

ໝວດ​ທີ 5

ຫຼັກ​ການ ແລະ ແບບ​ແຜນ​ວິ​ທີ​ເຮັດ​ວຽກ

 

ມາດ​ຕາ 10 ​ຫຼັກ​ການ

           ຫ້ອງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມນະ​ຄອນ​ ເຄື່ອນ​ໄຫວ​ຕາມ​ຫຼັກ​ການ​ດັ່ງ​ນີ້:

1.     ປະ​ຕິ​ບັດ​ຕາມ​ຫຼັກ​ການ​ລວມ​ສູນ​ປະ​ຊາ​ທິ​ປະ​ໄຕ, ໂດຍ​ມີ​ການ​ສົມ​ທົບ​ລະ​ຫວ່າງ​ຄວາມ​ຮັບ​ຜິດ​ຊອບຂອງ​ໝູ່​ຄະ​ນະ​ກັບ​ການ​ຍົກ​ສູງ​ຄວາມ​ຮັບ​ຜິດ​ຊອບ​ຂອງ​ບຸກ​ຄົນ;

2.     ປະ​ຕິ​ບັດລະ​ບອບ​ຫົວ​ໜ້າ​ດຽວຕາມ​ການ​ແບ່ງ​ຂັ້ນ​ຄຸ້ມ​ຄອງ ແລະ ບົນ​ພື້ນ​ຖານ​ມີ​ການ​ແບ່​ງ​ງານ​ກັນ​ຢ່າງ​ຈະ​ແຈ້ງ​ໃນ​ໝູ່​ຄະ​ນະ ແລະ ທຸກ​ຂັ້ນ;

3.     ທຸກ​ການ​ເຄື່ອນ​ໄຫວ​ຂອງວຽກ​ງານ​ແມ່ນ​ອີງ​ໃສ່​ແນວ​ທາງ​ນະ​ໂຍ​ບາຍ​ຂອງ​ພັກ, ລັດ, ກົດ​ໝາຍ ແລະ ລະ​ບຽບ​ການ.

ມາດຕາ 11 ແບບ​ແຜນ​ວິ​ທີ​ເຮັດ​ວຽກ

           ຫ້ອງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມເມືອງເຊໂປນ ມີ​ແບບ​ແຜນ ແລະ ວິ​ທີ​ເຮັດ​ວຽກ​ດັ່ງ​ນີ້:

1.     ທຸກ​ການ​ເຄື່ອນ​ໄຫວ​ວຽກ​ງານຂອງ​ຫ້ອງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມນະ​ຄອນ​ແມ່ນ​ອີງ​ໃສ່​ຫຼັກ​ການ ແລະ ລະ​ບຽບ​ການ​ຂອງ​ນະ​ຄອນ ແລະ ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມແຂວງ;

2.     ເຮັດ​ວຽກ​ຢ່າງ​ມີ​ແຜນ​ການ, ແຜນ​ງານ ແລະ ໂຄງ​ການ​ລະ​ອຽດ;

3.     ມີ​ການ​ປະ​ສານ​ສົມ​ທົບ​ກັບ​ພາກ​ສ່ວນ​ຕ່າງໆ​ທີ່​ກ່ຽວ​ຂ້ອງ​ຢ່າງ​ແໜ້ນ​ແຟ້ນ. ແກ້​ໄຂວຽກ​ງ​ານ​ຢ່າງ​ມີ​ຈຸດ​ສຸມແລະ ມີ​ເປົ້າ​ໝາຍ​ໃນ​ແຕ່​ລະ​ໄລ​ຍ​ະ;

4.     ປະ​ຕິ​ບັດ​ລະ​ບອບ​ປະ​ຊຸມ, ສ່ອງ​ແສງ, ລາຍ​ງານ​ປະ​ຈຳ​ເດືອນ, 3 ເດືອນ, 6 ເດືອນ, ປະ​ຈຳ​ປີ ແລະ ແຜນ  ຍຸດ​ທະ​ສາດໃນ​ແຕ່​ລະ​ໄລ​ຍະ, ກອງ​ປະ​ຊຸມ​ວິ​ຊາ​ການ​ຕ່າງໆ​ເພື່ອ​ຊຸກ​ຍູ້, ຕິດ​ຕາມແລະ ກ​ວດ​ກາ, ເກັບ​ກຳ​ສະ​ພາບ​ລວມ ແລະ ສະ​ເພາະ​ດ້ານຈາກ​ທຸກ​ຂົງ​ເຂດ​ວຽກ​ງານ ແລະ ສັງ​ລວມ​ລາຍ​ງານ​ໃຫ້​ເຈົ້າ​ເມືອງ ແລະ ພະ​ແນກ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມ​ແຂວງ.

 

ໝວດ​ທີ 6

ບົດ​ບັນ​ຍັດ​ສຸດ​ທ້າຍ

 

ມາດ​ຕາ 12 ງົບປະມານ ​ແລະ ຕາ​ປະ​ທັບ

                ຫ້ອງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມເມືອງມີ​ງົບປະມານ ​ແລະ ຕາ​ປະ​ທັບ​ເປັນ​ຂອງ​ຕົນ​​ເອງ ​ເພື່ອ​ເຄື່ອນ​ໄຫວວຽກ​ງງານ​ທາງ​ລັດຖະການ ຕາມ​ກົດໝາຍ ແລະ ລະບຽບ​ການ​ທີ່​ກ່ຽວຂ້ອງ​ກຳນົດ​ໄວ້.

 

ມາດ​ຕາ 13 ການ​ຈັດ​ຕັ້ງ​ປະ​ຕິ​ບັດ

                ຫ້ອງ​ການ​ຊັບ​ພະ​ຍາ​ກອນ​ທຳ​ມະ​ຊາດ ແລະ ສິ່ງ​ແວດ​ລ້ອມເມືອງ​ ພ້ອມ​ດ້ວຍ​ພາກ​ສ່ວນ​ກ່ຽວ​ຂ້ອງຈົ່ງ​ຮັບ​ຮູ້ ແລະ ຈັດ​ຕັ້ງ​ປະ​ຕິ​ບັດຂໍ້​ຕົກ​ລົງ​ສະ​ບັບ​ນີ້​ຢ່າງ​ເຂັ້ມ​ງວດ.

 

 

ມາດ​ຕາ 14 ຜົນ​ສັກ​ສິດ

                ຂໍ້​ຕົກ​ລົງ​ສະ​ບັບ​ນີ້ ປ່ຽນແທນຂໍ້ຕົກລົງຂອງເຈົ້າເມືອງ ວ່າດ້ວຍການຈັດຕັ້ງ ແລະ ການເຄື່ອນໄຫວຂອງຫ້ອງການຊັບເມືອງ ສະບັບເລກທີ 93/ຈມ ຊປ, ລົງວັນທີ 03 ທັນວາ  2022 ແລະ ມີ​ຜົນ​ສັກ​ສິດນັບ​ແຕ່​ວັນ​ລົງ​ລາຍ​ເຊັນ​ເປັນ​ຕົ້ນ​ໄປ.

 

                               ເຈົ້າເມືອງ

 

 

 

 

 

 

     ບ່ອນນໍາສົ່ງ:

-          ຫ້ອງການຊສເມືອງ               01 ສະບັບ(ເພື່ອປະຕິບັດ);

-          ພະແນກຊັບ                      01 ສະບັບ(ເພື່ອຊາບ);

-          ຫ້ອງວ່າການ..............         01 ສະບັບ(ເພື່ອຊາບ);

-          ຄະນະຈັດຕັ້ງ.......               01 ສະບັບ(ເພື່ອຊາບ);

-          ຫ້ອງການພາຍໃນເມືອງ          01 ສະບັບ(ເພື່ອຊາບ);

-          ຂະແໜງການກ່ຽວຂ້ອງ          01 ສະບັບ(ເພື່ອຊາບ);

-          ເກັບຮັກສາໄວ້                    01 ສະບັບ.​